Il-Kostituzzjoni ta’ Malta
Il-Kummissjoni dwar is-Servizz Pubbliku hija istituzzjoni indipendenti stabbilita mill-Kostituzzjoni ta’ Malta. In-natura tal-awtorità tal-Kummissjoni ġejja mill-Artikolu 121, li jitkellem dwar is-setgħat u l-proċedura tal-Kummissjonijiet li huma stabbiliti mill-Kostituzzjoni. Ir-referenzi ewlenin għall- Kummissjoni dwar is-Servizz Pubbliku huma madankollu magħmula fil-Kapitolu X tal- Kostituzzjoni, li jittratta s-Servizz Pubbliku.
Essenzjalment, l-Artikolu 109 jippreskrivi l-kompożizzjoni tal-Kummissjoni dwar is-Servizz Pubbliku, filwaqt li l-Artikolu 110 jiddeskrivi r-rwol primarju tal-Kummissjoni fl-għoti ta’ pariri u ta’ rakkomandazzjonijiet lill-Prim Ministru rigward il-ħatriet għal karigi pubbliċi, t-tneħħija ta’ persuni minn tali karigi u l-eżerċizzju ta’ kontroll dixxiplinari fuq l-uffiċjali pubbliċi.
ATT DWAR L-AMMINISTRAZZJONI PUBBLIKA
ATT biex jaġġorna u jissostitwixxi l-Att dwar l-Amministrazzjoni Pubblika, Kap. 497, 497,
li jaffermaw il-valuri tal-amministrazzjoni pubblika bħala strument għall-ġid komuni,
li jipprovdi għall-applikazzjoni ta’ dawk il-valuri fis-settur pubbliku kollu,
li jipprovdi għall-organizzazzjoni u l-ġestjoni tagħhom,
u li jipprovdi għal affarijiet oħra li huma konsegwenzjali jew anċillari għalihom.
REGOLAMENTI TAL-KUMMISSJONI DWAR IS-SERVIZZ PUBBLIKU
Il-proċeduri tal-Kummissjoni huma stabbiliti fir-Regolamenti tal-Kummissjoni dwar is-Servizz Pubbliku, u wkoll fil-Proċedura Dixxiplinari fir-Regolamenti tal-Kummissjoni dwar is-Servizz Pubbliku. Dawn ir-regolamenti jsiru mill-Kummissjoni bil-kunsens tal-Prim Ministru skont l-artikolu 121(1) tal-Kostituzzjoni.
REGOLAMENTI TAL-KUMMISSJONI DWAR IS-SERVIZZ PUBBLIKU
Ir-Regolamenti Dixxiplinari tal-Kummissjoni dwar is-Servizz Pubbliku, 2017
- A.L 158 ta’ 2022 Regolamenti tal-2022 li jemendaw ir-Regolamenti tal-Proċedura ta’ Dixxiplina tal-Kummissjoni dwar is-Servizz Pubbliku
- A.L. 383 ta’ 2021 Regolamenti tal-2021 li jemendaw ir-Regolamenti tal-Proċedura ta’ Dixxiplina tal-Kummissjoni dwar is-Servizz Pubbliku
- Ir-Regolamenti Dixxiplinari tal-Kummissjoni dwar is-Servizz Pubbliku, 2017 (qabel ma ġew amendati bl-AL 383 tal-2021)
Ir-Regolamenti tal-1999 tal-Kummissjoni dwar is-Servizz Pubbliku (Proċedura Dixxiplinari).
Regolamenti tal-Kummissjoni dwar is-Servizz Pubbliku, 1960: